Addysg Amgylcheddol

y Gwendraeth

Mae Addysg Amgylcheddol y Gwendraeth yn fenter gydweithredol gymunedol a’i nod yw

. Darparu addysg amgylcheddol ymarferol

. Meithrin cysylltiadau gyda’r gymuned

. Darparu gwaith ar gyfer crefftwyr lleol

Yn ein safle cyfoethog ac amrywiol ym Mlaen y Wern, mae’r bywyd gwyllt yn doreithiog yn y cwm coediog, y dolydd a’r nentydd ac yn cynnwys y mochyn daear, y cadno, madfallod y dŵr, eurbennau a chnocellau’r coed, i enwi ond ychydig. Mae yna gerfluniau trawiadol i’ch synnu o amgylch pob cornel. Mae gennym gysgodfa groeso ffrâm graidd newydd a chanolfan addysg mewn tŷ crwn, gyda chyfleusterau cegin a thoiledau compost, wedi’u hadeiladu’n llwyr gyda defnyddiau lleol gan ddefnyddio dulliau traddodiadol. Mae’r safle’n hygyrch i ddefnyddwyr cadeiriau olwyn.

Rydyn ni’n gallu cynnig cyrsiau a gweithdai mewn

. Gwaith coed gwyrdd gan gynnwys turnio polyn, turnio pren, creu clwydi,

gwehyddu helyg, creu llwyau a chynhyrchu golosg

. Celf a chrefft wedi’u hailgylchu

. Tecstilau, gwehyddu, troelli a gweu

. Rheoli coetiroedd, coedlannu, gosod cloddiau, adnabod coed, plannu coed

. Ymwybyddiaeth o natur a bioamrywiaeth, garddio amaeth naturiol, gwylio adar, tracio

. Adeiladu gyda byrnau gwellt a chob, adeiladu cysgodfeydd

Gellir hurio Blaen y Wern ar gyfer eich digwyddiadau hefyd, gan gynnwys y gysgodfa groeso, y ganolfan addysg a 22 erw o goedwig a dolydd. Cysylltwch â ni i drefnu ymweliad.